Knowledge is good only if it is shared.

Sunday, September 28, 2008

நாயகர்கள்...


1.1 பில்லியன் பிரஜைகளின் வாழ்வின் போக்கை திர்மானிக்க தேசத்தின் தலைநகர கூடாரத்தில் 543 நாயகர்கள் தம் படைபரிவாரங்களுடன் வலம்வருகின்றனர்.அவர்களுக்குள் சித்தாந்த,கொள்கை,கூட்டணி சார்ந்து வேறுபாடுகளிருக்கலாம்,ஆனால் மக்கள் சேவையே பிராதனமென மார்தட்டிக்கொண்டு கடும் போட்டியினூடே அரங்கத்தில் வீற்றிருக்கும் அவர்களுள் சிலருக்கு துறை சார்ந்த அதிகார வட்டங்களும் தேச கட்டுமானத்திற்கு உதவுகின்றன.
60 ஆண்டுகளாக ஓயாமல் பேசி பெரும் தொகையை மக்களுக்காக ஒதுக்கீடுசெய்ய அவர்கள் காட்டும் முனைப்பு நம்மை வியப்பில் ஆழ்த்தும். நமக்காக அவர்கள் படும் துயரம் அவர்களை கதாநாயகர்களாக உயர்த்தும்.ஆனால் அதன் பின்னணியில் உள்ள சுயநலம் அடுத்த தேர்தலில் வாக்குகளை கவர இரவு பத்துமணிவரை குரல்கொடுக்க உதவும்.தங்கள் பாதுகாப்பிற்கனெ கணக்கிலடங்கா வீரர்களுடன் வலம் வருபவர்கள் ஊர் கோடியில் வாழும் குடிமகன் அவன் வாழ்விடத்தில் பாதுகாப்பின்றி போராடுவதை அறிந்தும் ஏதும் செய்யாமலிருப்பார்.ஜாதி,மத வேறுபாடுகளை பயன்படுத்தி,பிரித்தாளும் சூழ்ச்சியோடு வீர வசனங்களில் வாக்குகளை கவர்ந்து அடுத்த சில ஆண்டுகளுக்கு தனது பதவியை உறுதி செய்து வருமானத்தை பெருக்க ஆரம்பிக்கிறான்.
பன்னாட்டு நிறுவனமாகிக்கொண்டிருக்கும் ரோம் மற்றும் மெக்காவை தலைமையகமாகக்கொண்டவை தமது கொள்கையை பரப்பும் நோக்கத்தில் பிற நாடுகளில் தமது கிளைகளின் மூலம் மக்களை மதம்மாற்ற பெரும் பணத்தை பிற்போக்கு பழமைவாதிகளுக்கு அனுப்புகின்றனர்.அவ்வாறு பெறப்படும் பணம் கலவரத்தை உண்டுபண்ணுகிறது.அரபிக்கடலோர வர்த்தக நகர தாக்குதல் தொடங்கி அகமதாபாத் வரை அதன் கொடிய கரங்கள் நீண்டு கொண்டே செல்கின்றன.அதன் குருதிப்பசி அடங்கிய பாடில்லை.உலகை ஒரே கொள்கையின் கீழ் (கடவுளின்)கொண்டுவருவார்களோ அல்லது ஒட்டுமொத்தமாக அனைவரையும் துடைத்தொழிப்பார்களோ தெரியவில்லை.அதன் எதிரொலியாக குஜராத்தில் ரத்தத்தின் மீதேறிநின்று கொக்கரிக்கிறார் கரசேவையாளர்.தன்னை பிற்கால பிரதமராக
பிரகடனப்படுத்திக்கொண்டவரும் அவருடன் இணைந்துகொள்கிறார்.செஞ்சட்டையாளரும் இதையெல்லாம் கண்டுகொள்ளாமல் மேற்குலகுடனான நமது தொடர்பை விமர்சிக்க காத்திருக்கிறார்.நமது தேச தலைநகர கொலுமண்டபத்தில் மேற்கூறியவர்களை அமரவைததின் பலனை நன்றாக அனுபவிக்கிறோம்.தீவிரவாதத்தை ஒடுக்க துப்பில்லாமல் சுயநலமாய் வீண்வார்த்தைகளில் வம்பளக்கும் அரசியலாளனை என்ன செய்யலாம்?

Saturday, September 20, 2008

போலிகள் ஜாக்கிரதை!



இந்த கட்டுரையை எப்படி ஆரம்பிப்பது என தெரியவில்லை.எப்படி ஆரம்பித்தாலும் அது சம்பிரதாயமாகவே அமைந்துவிடுகிறது,எனவே நேரடியாகவே விஷயத்திற்கு வந்துவிடுவோம்.
உங்களுக்கு தெரிந்த தற்கால கவிஞர்களின் பெயர்களை ஞாபகப்படுத்திப் பாருங்கள்.நிச்சயமாக பாதிக்கு மேல் திரைப்பட பாடலை எழுதிய பாடலாசிரியனின் பெயராகவே இருக்கும்.ஒருவேளை முழுவதும் (என்ன முழுவதும் ,அதிகபட்சம் 10 பெயர்கள் தெரிந்திருக்கலாம்).திரைப்படபாடலாசிரியனின் பெயராகவே இருக்கும்.உண்மையிலேயே அவனும் கவிஞனும் ஒன்றா?
திரைப்பட பாடலாசிரியன் கவிஞன் என எப்படி பரிணாமம் பெற்றான்?.நம்முடைய அறியாமைதான்.பழைய விசயங்களை வேறுவடிவத்தில் நம்மிடையே அவன் அளிக்கும் விதத்தில் மயங்கி அவனது சொந்த சரக்குதான் என மகிழ்ந்து பட்டங்களையும், பணத்தையும் வாரி வழங்குகிறோம்.
சம்பந்தமே இல்லாத எதுகை மோனைகளை பயன்படுத்தி( ஆங்காங்கே ஒருசில வரிகள் தரமானதாய் இருக்கிறது.) வெட்கம்கெட்டு நானும் கவிஞன் என பல்லிளிக்கிறான்.அவனது ஆதார தகுதி மேலே சொன்னதுடன் முடிவதில்லை,அரசியல் மேடைகளிலே ஆளும் அல்லது ஆளப்போகும் அதிகாரவர்கத்தை மிகையாய் பாராட்டி புகழ்வதும் வரிகளை இரண்டுமுறை கம்பீரகுரலில் ஒப்புவிப்பதும் அதில் அடங்கும்.
இரண்டாயிரம் வருட பழமையான இலக்கிய வளமுடையது நமது மொழி. அதை அடுத்த கட்டத்திற்கு நகர்த்திச்செல்லாமல் அறியாமை மக்களை அறியாமையிலேயே உழலச்செய்வதென்பது கொடுமையான விஷயம்.நமது இலக்கியங்களை திணை எனவும் ,அகம் என்றும்,புறம் எனவும் பிரித்த அழகியலான மொழிவளத்தை அற்பத்தனமாய், பணத்திற்காகவும் புகழுக்காகவும் கொள்ளையடித்து "ப்ளாஷ் மழையி"ல் நனைகிறான் கவிஞன் என்கிற திரைப்பட பாடலாசிரியன்.
பழைய இலக்கியங்களை நாம் முழுவதும் அறியாததால் வெகு எளிதாய் ஏமாற்றப்படுகிறோம்.நெடிய வரலாறுடைய நமது மொழியில் சமீப காலங்களில் ஏன் காலத்தை கடந்து நிற்கக்கூடிய படைப்புகள் அதிக அளவு வெளிவரவில்லை?
நாம் இன்னும் ,சினிமாவில் நடிகையின் இடுப்பைச்சுற்றி ஆடும் பாடலை எழுதுபவனை கவிஞன் என அங்கீகரிக்கும் அவல நிலையையிலிருந்து மாறவேண்டும்.சிற்றிதழ்கள் பலவற்றில் உண்மையான கவிஞனை எளிதில் கண்டுணரலாம்.அங்கே அவன் நமக்காக படைத்தளிக்கும் விஷயங்கள் பாசாங்கற்றதாய் இருக்கும்.
ஆனால் தற்போது வரிகளை ஒன்றன் கீழ் ஒன்றாய், வரிக்கு இரண்டு வார்த்தை வீதம் எதுகை ,மோனையோடு எழுதும் உரைநடைகளை அதன் வடிவம் சார்ந்து கவிதையென நம்பிவிடுகிறோம்.
எனவேதான் திரைப்பட பாடலாசிரியன் தைரியமாக நானும் கவிஞன்தான் என நம்முன் கொட்டமடிக்கிறான். எனவே போலிகள் ஜாக்கிரதை!

Sunday, September 14, 2008

மறந்தவை..



நோக்கியாயென்றும்,
சோனியென்றும்
சொல்லத்தெரிந்தவன்
கருங்குருவியென
சொல்லத்தெரியாமல்
வெறுமனே
குருவியென்றான்!

காவிரியும்... மோடி எதிர்ப்பும்...

             கா விரி நதிநீர்ப் பங்கீடு பல்வேறு தடைகளைத் தாண்டி ஓரளவிற்கு இறுதிக் கட்டத்தினை எட்டிவிட்டதாகவே தோன்றுகிறது. அடுத்த 15 ஆண்டுகளு...